Sorry-Sorry-Sorry-Sorry-Sorry-Sorry
Sorry-Sorry-Sorry-Sorry-Sorry-Sorry
4. apríl 2013 - 09:48
Beiðni um fyrirgefningu ofl.

Á föstudaginn lánga strunsaði illskeyttur og úngur nýliði úngmennafélagsins fram á blóðvöll veraldarvefsins. Sú er sorgleg staðreynd að eldri deild Molduxa hefur hlotið falleinkun hvað varðar uppeldi á þeim yngri. Orðbragð nýliðans VK er algerlega á skjön við samskipti og kynni Uxa við vini sína í öðrum héruðum og þjóðlöndum. Greinin er álitshnekkir fyrir íþróttafélagið. Nánast hvert einasta orð í greininni er lygimál, svívirðingar, grobb eða eitthvað enn verra, orðin markast af óvenju litlu heilabúi.
Því eru eftirtaldir beðnir afsökunar á því illmælgi og orðbragði sem í greininni er að finna:
Allir körfuknattleiksmenn í norður Evrópu, þá einkum og sér í lagi allir EyfirðIngar, ekki síst Eiríkur Sigurðsson liðsforingingi Skotfélagsins og hans menn, vinir Molduxanna frá fornu fari. Nú er þessum kynnum stefnt í voða af litlum dreing sem var í sigurvímu eftir að hafa unnið einn leik, en tapað tveimur með skömm á Akureyri.
VK pistilritari hefur um lángt skeið slátrað dýrum sér til ánægju og hagsbóta, en óþarfi er að hann starfi einnig sem slátrari í mannheimum. Vegna verulegs skorts á almennri greind og mannsmynd gerir hann sér ekki grein fyrir í hvorri deild hann starfar hverju sinni.
En lesendum þ.e. ef einhverjir eru, til glöggvunar er rétt að lýsa ´stóra striganum´ ögn nánar. Ekki getur andlitið talist frítt, reiði einnkennir svipinn. Hortugheit og kjaftbrúk er daglegt brauð í framkomu mannsins. Þó má segja að hann geti á stundum verið snöfurmannlegur í hreyfingum, en lýti er á þeim vegna þess að líkaminn bognar fram um þjóhnappana sem eru óvenjulega stórir (gluteus maximus). Fæturnir eru lítið eitt snúnir, eiginlega afturbakaðir þannig að maðurinn hlykkjast og liðast á fram á hraðgöngu. VK er ómögulegt að lyfta hnjánum og því getur hann ekki hlaupið, enda aldrei tekið þátt í hraðaupphlaupi í þeirri göfugu íþrótt körfuboltanum. En striginn er duglegur og hann á það til að kíkja í bók. Af þeim sökum er fyrirgefning ekki ómöguleg.

Nú skorum við á yngri menn í félaginu og einnig Geirmund heljarmvave að stelast út af heimilum sínum og dratthalast á æfingar. Framundan er árlegt mót kennt við okkar góða félag. Þar gilda engin töframeðöl, heldur barátta upp á gull og silfur þar sem þrek liðsmanna ræður úrslitum.

Íslandi allt !

Forsetinn

« Til baka

Skráðu þig á póstlista Molduxanna
© 2019 · Molduxar · molduxar[hja]molduxar.is